ye tera mera milna

Tumko hasne ki aadat hai,
aur mai hoon rone ka aadi

ye tera mera milan kaheen
na ho dono ki barbadi

mujhko likhne ka shauk laga,
tumko padhne ka wakt nahi

adharan tere ras k pyale,
mere seene mai rakt nahi

meri sanso mai dard bhara,
tera dil kora hai kora

hum dono ko uljha na de,
ye lal hara peela dora !

mujhko lekar sang saath chalo, jo itne kadam chali hoon mai
tumse milkar kyu lagta hai , k tere liye pali honn mai

tere ansu lekar aadhe, mai apne nain saja loongi
apne adharo ki muskahat se tera dard saja doongi

mujhko hasne ki aadat hai, mai tumko hasi bana loongi
tum likho prem ki syahi se, mai khud ko kalam bana doongi !

mere dil mai...

Jab roz subah mai uthta hoon,

kyu paas tumhe hi pata hoon

kal ek akela rahi tha,

ab tumko sang le jata hoon

kyu apni yaado ka ghera,

meri baho par kasti ho

kyu mere dil mai basti ho !

achha hai mere alhadpan

ye dewana awarapan

mere sanso ki sargam aur

tere payaliya ki chan chan

kya mere geet adure hain

jo tum sang mere rachti ho

kyu mere dil mai basti ho !

teri tasveer adhuri hai

meri aawaz machalti hai

jab dhoop jagat ki padti hai

meri parchah badalti hai

'mann' pyasa ho. tan thaka hua

tum barkha aan barasti ho

kyu mere dil mai basti ho !

mai matwala tum masti ho

mai rakhwala tum kasti ho

mere madhushala k pyale,

rasheen, prem se rasti ho

tere naino se rota hoon,

mere adharo se hasti ho

tum mere dil mai basti ho !

tum mere dil mai basti ho !

Janamdin

Janamdin roz aate hain,
janamdin roz jate hain

naye din yaad rahte hain
purane bhool jate hain

jinhe tum bhool jate ho
wo yaado k sitare hain

unhe phir dyan se dekho,
bade najuk hain pyare hain

janamdin apka pehla
kahan kaise manaya tha

aur kisne,
doosre par pyar se
jhoola jholaya tha

aur uske baad mai aye
janamdin the kayi lekin

kya tumko yaad hai usdin
khilona kaun laya tha


tumahre har janamdin ne
kae sapne saware hain
kya tumne aaj se pahle
hajaron din gujare hain

tumahre ek janamdin par
kahen khereez jodi thi

muradon k liye tere
tamanna kisne todi thi

tumahre iss janamdin par
ujale hi ujale hain

tumahra dil hai matwala
dile humdum nirale hain

dekhti ek nazar tumko
jaha hotoo pe taale hain

dua tumko jo dete hain
purane saal wale hain

tumahre har janamdin par
ujale hi ujale hon
tumahre saath mai usdin
tere humdum nirale hon
magar iss bar thehro
aur mudkar dekh lo unko
jo agle saal sayad
lot k na aane wale hon

"mann" tumko rokta hai
iss jnamdin ko manane se,
purani yaad ko
jhilmil patakho mai jalane se
sabhal jao mere yoban
yahi meri badhae hai

mana lena janamdin to ,kae phir ane wale hain

janamdin roz aate hain, janamdin roz jate hain !

kahani roz kehti hai
mujhe sun lo sanam mere ,

mai kehta hoon hare ho jayenge
phir se jakham mere

wo meri jaan hai, dil mai
meri sanso mai basti hai

magar uss se mila sakte nahi,
mujko karam mere !

pagal

dard bhi khobsurat hota hai
pyar ki ek murat hotahai
wo insaan hee,hame nahi milta
jo hamari jarurat hota hai !

wo meri jaan hai jisne mujhe har pal sataya hai
mera armaan hai jisne mujhe pal pal rulaya hai,
Deewane saan se lete hain mere naam ki kasmei,
bada ehsaan hai jisne mujhe "pagal" banaya hai !

jab mujhe dard hota hai,hum unko pyar karte hain,
wo ankhe band karte hain hum unse baat karte hain,
hum unki baddua ko bhi dua-a-dil samajh lenge,
humei itni tasalli hai,k humko yaad karte hain !

Dard

Ro nahi sakte,hasa jata nahi

bata nahi sakte chupa pata nahi,

iss kadar majboor hai ye dil sanam,

mar nahi sakte jiya jata nahi !

Dhokhe mile hain itne k ab aajmana chod diya,

ansu se dosti hue to muskrana chod diya,

hum nahi ate, humari yaad hi ayegi ab,

Maine in tanhaeyo se door jana chod diya

Mere Panne

Mere Panne,
jindgi k hadso se hi,
likhe jate nahi hain !
Mere Panne,
log aise hi,uda pate nahi hain !
main akela hoon.
main akela hoon magar,
ek bhid
mere sath mai hain
pyar ki kuch manjilon ki
neev mere hath mai hai
mere panne !
jo bhi padte hain,
suna pate nahi hai
mere panne
koi yaado se hata pata nahi hai
mere panne
roz tumko chao dene ko hile hai
mere panne
roz tere need se jakar mile hai
mere panne
har kadam sang mai chale hain
mere panne
sard raato main jale hain
main mitonga
tum mitogi
aur ye tanhayiya bhi
mere panne
aaj aur kal bhi
padhe jate rahege
tum udaogi
magar ye
yaad ki sodhi hawa mai
tumko tadpare rahege !
lot k aate rahege !
lot k aate rahenge !